Головкин Джеки Чанға шапан жауып, тақия сыйлады

Құрмет белгісі: шапан мен тақия

Кездесу барысында Ұлттық Олимпиада комитетінің басшысы Джеки Чанға қазақы шапан мен тақия тарту етіп, құрмет көрсетті. Қазақтың дәстүрлі сый-сияпаты ретінде ұсынылған бұл сыйлық жұрт назарын аударды.

Головкин әлеуметтік желідегі жазбасында Джеки Чанды "біздің дәуіріміздің аңызы" деп атап, оның өнердегі және мәдениеттегі орнын ерекше бағалаған.

Шайдоровпен кездесуден кейінгі сәт

Айта кетейік, бұған дейін Джеки Чан Олимпиада чемпионы Михаил Шайдоровтың көрсетілімдік өнеріне қатысып, жанкүйерлерге ерекше эмоция сыйлаған еді. Сол оқиғадан кейін актердің Головкинмен жүздесуі Олимпиададағы ең көп талқыланған жаңалықтардың біріне айналды.