Елена Рыбакина Лондондағы турнирде жанкүйерлерді аспаздық өнерімен тәнті етті (ВИДЕО)
Қазақстанның бірінші ракеткасы Лондонда WTA 500 санатындағы турнир аясында ерекше челленджге қатысты.
WTA ұйымдастырған көңілді байқау
Әйелдер теннис қауымдастығы WTA әлеуметтік желідегі ресми парақшаларында "The Great Tennis Bake Off" атты ойын-сауық челленджінің екінші бөлімін жариялады. Бұл сайыста теннисшілер кекстерді безендіріп, өздерінің шығармашылық және аспаздық қабілеттерін көрсетті.
Челлендждің екінші бөліміне Елена Рыбакинамен бірге америкалық теннисшілер Аманда Анисимова мен Ива Йович қатысты.
Рыбакинаның кексі жүрекшелермен безендірілді
Қазақстандық теннисші өз кексін ұқыпты әрі сәнді етіп дайындады. Рыбакина тәттінің үстін кішкентай жүрекшелермен әрлеп, жанкүйерлердің назарын аударды.
Теннисшілер қатысқан видео WTA мен HSBC Championships турнирінің ресми әлеуметтік желілерінде жарияланды.
Жеңімпаз кейін анықталады
Ұйымдастырушылар ерекше челлендждің жеңімпазы кейінірек белгілі болатынын мәлімдеді. Ал теннис жанкүйерлері әлеуметтік желілерде теннисшілердің кекс безендіру шеберлігін қызу талқылап жатыр.
Айта кетейік, Елена Рыбакина Лондонда 8-14 маусым аралығында өтіп жатқан WTA 500 турниріндегі өнерін жалғастыруда.