Белгілі журналист Александр Бубликті жерден алып, жерге салды
Қазақстандық журналистикада танымал қаламгер Сәби Байбосынов елдің бірінші ракеткасы Александр Бубликке сын айтты. Ол теннисшінің соңғы әрекеттерін сынап, ұлттық құрамадағы болашағына күмән келтірді.
Журналистің сыни пікірі
Байбосыновтың айтуынша, әлемдік рейтингте 34-орында тұрған қазақстандық теннисші көбіне қаржылық мүддені ойлайды, ал елге деген адалдықты екінші орынға қояды.
“Бір апта бұрын Бублик Дэвис кубогында Қазақстан атынан ойнау кезінде жарақатына байланысты бас тартты. Ал бүгін Қытайда өткен ATP-250 турнирінде ештеңе болмағандай үш сетке созылған матчта жеңіске жетті. Әдетте үздік ойыншылар мұндай жарыстарға тегін бармайды. Ең құрығанда сылтау айтпай-ақ, Қазақстан үшін ойнаудан мүлде бас тартса дұрыс болар еді”, — деп жазды журналист.
Бублик пен ұлттық құрама төңірегіндегі дау
Бұл мәлімдемеден кейін қазақстандық спорт жанкүйерлері арасында қызу пікірталас өрбіді. Бір бөлігі Бубликті қорғап, оның кәсіби спорттағы қадамын түсіністікпен қабылдаса, енді бір бөлігі журналистің сөзіне қосылып, спортшының патриоттық рухын сынға алды.