Қазақстанның бірінші ракеткасы Александр Бублик (ATP рейтингінде 16-орын) Парижде өтіп жатқан ATP Masters 1000 турнирінің ширек финалында австралиялық Алекс Де Минаурды (6-орын) үш сетке созылған тартысты ойында 6:7, 6:4, 7:5 есебімен жеңіп, жартылай финалға жолдама алды.
Бірінші сетте Бублик өз мүмкіндігін пайдалана алмай, тай-брейкте жеңіліп қалды. Алайда екінші партияда қазақстандық теннисші тактикалық тұрғыда ойын тізгінін қолына алды. Допты қабылдау мен ұпай алуда сенімді ойнады.
Шешуші үшінші сетте Александр 5:5 есебімен тең түскен сәтте брейк жасады. Кейін өз геймін сенімді түрде ұтып, жеңісті нүкте қойды. Осылайша Бублик тағы да камбэк жасап, әлемнің үздік теннисшілерінің бірін жарыс жолынан шығарды.
Александр жартылай финалда канадалық Феликс Оже-Альяссиммен (ATP №10) кездеседі. Феликс ширек финалда монаколық Валантен Вашероны 6:2, 6:2 есебімен сенімді түрде жеңді.
Бұл кездесу екі шабуылшы стильдегі ойыншылардың тартысы болмақ. Бубликтің агрессивті подачасы мен Альяссимнің жылдам қорғанысы жарыстың ең қызықты матчтарының біріне айналуы мүмкін.
Турнир туралы мәлімет