Эр-Риядтағы триумф! Елена Рыбакина – маусым чемпионы

Финал екі сетте аяқталды

Рыбакина 6:3, 7:6 есебімен басымдық танытты. Қазақстандық теннисші турнир бойы бірде-бір матчта жеңілген жоқ. Ол топтық кезең мен плей-оффта қатарынан бес жеңіске жетті:

• Аманда Анисимова (4-орын) — 6:3, 6:1
• Ига Швентек (2-орын) — 3:6, 6:1, 6:0
• Екатерина Александрова (10-орын) — 6:4, 6:4
• Джессика Пегула (5-орын) — 4:6, 6:4, 6:3
• Арина Соболенко (1-орын) — 6:3, 7:6

Осылайша Рыбакина бес түрлі қарсыласты жеңіп, маусымды мінсіз аяқтады.

Тарихтағы ең ірі сыйақы

Елена Рыбакина WTA тарихында ең жоғары қаржылай сыйақы алған спортшы атанды.

Жеңімпаз әрі бірде-бір рет ұтылмаған чемпион ретінде ол 5,235 миллион АҚШ долларын (шамамен 2,75 миллиард теңге) иеленді.

Бұл сома — әйелдер теннисі тарихындағы рекордтық көрсеткіш.