АҚШ-та өтіп жатқан әйгілі Eddie Herr-2025 турнирінде Ахмади Маханов тарихи нәтиже тіркеді. Ақтөбе теннис мектебінің өкілі беделді додада жартылай финалға шыққан алғашқы қазақстандық ойыншы атанды.
АҚШ-тың Майами қаласындағы корттарда 14 жасқа дейінгі жасөспірімдер арасында өтетін Eddie Herr-2025 турнирінің жартылай финалистері анықталды.
Сол тізімде Қазақстан теннисі тарихына енген жаңа есім Ахмади Маханов та бар. Ол осы турнирдің жартылай финалына шыққан алғашқы қазақстандық юниор болып отыр.
Ахмади ширек финалда аса мықты қарсыласпен жолықты – турнирдің төртінші ракеткасы, Қытай өкілі Ванг Боши. Матч тізгіні ақтөбелік теннисшінің қолында болды. Бірінші сет – 6:2,екінші сет – 7:6, тай-брейк – 13:11. Осылайша Маханов тартысты тай-брейкте жеңісті жұлып алып, тарихқа енетін жартылай финал билетін жеңіп алды.
Енді 14 жастағы қазақстандықтың финал жолындағы келесі қарсыласы – Венесуэла елінен келген Мехис Игнасио.
Eddie Herr-2025 турнирінде өзге қазақстандық жас ойыншылар да жаман нәтиже көрсеткен жоқ:
Eddie Herr International Junior Championship – әлемдегі ең танымал жасөспірімдер турнирлерінің бірі. Ол жыл сайын төрт жас санатында өтеді және Ник Боллеттьери академиясының корттарында ұйымдастырылады.
Додаға жыл сайын шамамен 1500-ге жуық әлемнің ең үздік юниор теннисшілері жиналады.
Кезінде осы турнирден өткен аңыз ойыншылар:
Енді осы қатарға Ахмади Махановтың есімі де жас жұлдыз ретінде қосылып жатыр.