Қазақстан теннис федерациясы (ҚТФ) ерлер ұлттық құрамасының капитаны қызметіне Диас Досқараевтың тағайындалғанын жариялады. Ол бұл лауазымда Юрий Щукинді алмастырды.
ҚТФ мәліметінше, кадрлық шешім федерация басшысы Болат Өтемұратовтың бастамасымен қабылданған.
Жаңа капитанның жетекшілігімен Қазақстан құрамасы Дэвис Кубогындағы маусымды бастайды. Келесі матчтық кездесу:
Диас Досқараев Қазақстан құрамасын бұған дейін де басқарған. 2012 жылдан 2019 жылға дейін капитан болып, ұлттық команданы бірнеше рет жоғары нәтижеге жеткізді. Атап айтқанда, оның тұсында Қазақстан құрамасы Дэвис Кубогының ширек финалына үш рет барған.
Досқараевтың өзі ұлттық құрамаға қайта оралуын үлкен жауапкершілік ретінде бағалап, команданың басты күші — бірлік, мінез және ел алдындағы жауапкершілік екенін атап өтті.
Юрий Щукин әйелдер құрамасында капитандық қызметін жалғастырады. Әйелдер командасы Billie Jean King Cup турнирінде өнер көрсетеді, ал Өтемұратов оның еңбегін арнайы атап өткен.
Бұған дейін Қазақстанның ерлер арасындағы бірінші ракеткасы Александр Бублик жанкүйерлерді Монакоға қарсы матчтарға шақырып, бұл кездесуге өзі де қатысуы мүмкін екені айтылды.