WTA Қазақстанның бірінші ракеткасына қатысты шешім қабылдады

Қазақстанның әйелдер арасындағы жұптық сында ең үздік теннисшісі Анна Данилина Australian Open-2026 турнирінен кейін WTA рейтингіндегі орнын жақсартты.

Өткен аптада Анна Данилина сербиялық теннисші Александра Круничпен жұптасып, Австралияның ашық чемпионатының финалына дейін жетті. Алайда шешуші ойында олар бельгиялық Элизе Мертенс пен қытайлық Чжан Шуайдан тұратын дуэтке жол берді.

Рейтингтегі өзгеріс

Australian Open-2026 қорытындысы бойынша Анна Данилина үш сатыға жоғарылап, 14-орынға көтерілді. Айта кетейік, қазақстандық теннисшінің мансабындағы ең жоғары көрсеткіші — сегізінші орын. Ал Александра Крунич финалдан кейін төрт орынға көтеріліп, 13-сатыға жайғасты.

Данилина мен Круничті финалда жеңген Элизе Мертенс жұптық WTA рейтингінде жаңа көшбасшы атанды. Бұған дейін ол алтыншы орында болған. Ал Чжан Шуай бірден жеті сатыға көтеріліп, 15-орыннан сегізінші орынға шықты.

Жұптық рейтингтің үздік үштігі

Қазіргі таңда WTA жұптық рейтингінде:

• екінші орында — чехиялық Катержина Синякова,
• үшінші орынды — италиялық Жасмин Паолини мен Сара Эррани бөлісіп тұр.

Қазақстандық тағы бір теннисші Юлия Путинцева да өз позициясын жақсартты. Ол алты сатыға көтеріліп, рейтингте 102-орынға орналасты. Ал Елена Рыбакина Арина Соболенконы басып озып, әлемдік теннистің жаңа көшбасшысы атанды.