Қазіргі таңда қазақстандық теннисші АҚШ-та өтетін турнирге дайындық үстінде.
Қазақстандық теннисші Елена Рыбакина WTA чемпиондық жарысында бірінші орнын сақтап қалды.
Рыбакинаның еншісінде 2443 ұпай бар. Ол ең жақын қарсыластары – америкалық Джессика Пегуладан (1975 ұпай) және Беларусь өкілі Арина Соболенкодан (1800 ұпай) алда келеді.
Еске салайық, Елена Рыбакинаның соңғы қатысқан турнирі – Дубайда (БАӘ) өткен "мыңдық" санатындағы жарыс болды. Онда ол денсаулығына байланысты хорватиялық теннисші Антония Ружичке қарсы матч кезінде кездесуді тоқтатып, 1/8 финал кезеңінде жарыс жолынан шыққан еді.
Рыбакина қатысатын келесі турнир – АҚШ-та өтетін Индиан-Уэллс қаласындағы "Мастерс" жарысы.