Жібек Құламбаева Сербиядағы сайыстың бірінші айналымында сүрінді
Отандасымыз дәл сол қарсыласпен енді жұптық сында өзара мықтыны анықтайды.
Қазақстандық теннисші Жібек Құламбаева Сербияның Куршумлия-Баня қаласында өтіп жатқан ITF W75 турнирінде жекелей сындағы жарысты ерте аяқтады.
Әлемдік рейтингте 436-орында тұрған қазақстандық спортшы алғашқы айналымда ресейлік Алевтина Ибрагимовамен кездесті.
Құламбаева екі сетте жеңілді
Жібек Құламбаева әлемдік рейтингте 320-орында тұрған Алевтина Ибрагимоваға қарсы ойында сәтті өнер көрсете алмады.
Кездесу екі сетке созылып, ресейлік теннисшінің жеңісімен аяқталды. Есеп — 1:6, 5:7.
Матчтың жалпы ұзақтығы 1 сағат 41 минут болды.
Қарсыластар жұптық сында қайта кездеседі
Айта кетейік, Жібек Құламбаева мен Алевтина Ибрагимова бүгін тағы да кортқа шығады. Бұл жолы олар жұптық разрядта бір-біріне қарсы ойнайды.
Құламбаева швециялық Лиза Заармен бірге өнер көрсетеді. Ал Ибрагимова румыниялық Елена Руксандра Бертямен жұп құрады.