Александр Бублик US Open турнирін жеңіспен бастады
Қазақстанның бірінші ракеткасы АҚШ ашық чемпионатының екінші айналымына жолдама алды.
Әлемдік рейтингте 16-орында тұрған қазақстандық теннисші US Open турнирінің бірінші айналымында америкалық Джеффри Джон Вульфпен кездесіп, 6:4, 6:2, 3:6, 6:1 есебімен басым түсті. Кездесу 2 сағат 15 минутқа созылды.
Бубликтің келесі қарсыласы аргентиналық Тьяго Агустин Тиранте (ATP №42) мен француз Адриан Маннарино (ATP №67) арасындағы матчтан кейін анықталады.
Биыл ашық чемпионаттың жекелей сындағы жеңімпазы 5,5 миллион доллар және 2000 рейтингтік ұпай иеленеді.
Жарнама
Жарнама