Бейбіт Жұқаев Шанхайдағы турнирдің іріктеу кезеңінен өтті
01.10.2024, 13:50
Осылайша, отандасымыз Шанхайдағы ATP «Мастерс» 1000 турнирінің негізгі кезеңінде екінші рет өнер көрсеткелі жатыр.
SN.kz
Бейбіт Жұқаев (196 АТР) өз мансабында екінші рет Шанхайдағы ATP «Мастерс» 1000 турнирінің негізгі жарыс кестесіне жолдама алды.
Қазақстан теннис федерациясы келтірген мәліметке сәйкес, іріктеудің шешуші кездесуінде Жұқаев британдық Билли Харристы (104 АТР) жеңген. Есеп - 7:5, 2:6, 6:4.
Бейбіт Жұқаев алғашқы айналымда кіммен кездесетіні әзірге белгісіз.
Айта кетейік, Шанхайдағы «Мастерс» турнирі Бейбіт үшін ең сәтті додалардың бірі саналады. Былтыр ол чех Доминик Паланнан басым түсіп, негізгі сынға өткен еді.