Қазақстанның бірінші ракеткасы АҚШ-тағы турнирде топжарды
17.12.2024, 13:15
18 жасқа дейінгілер арасында Қазақстанның бірінші ракеткасы Әмір Омарханов жұптық сында Флорида штатында өткен ITF Juniors J500 Orange Bowl турнирінің чемпионы атанды.
liter.kz
Қазақстандық теннисші ресейлік Тимофей Дерипаскомен бірге 18 жасқа дейінгілер арасында үздік шықты.
Олар финалда швейцариялық Анри Берно – чехиялық Денис Петакпен бас жүлдені сарапқа салды. Омарханов/Дерипаско камбэкпен жеңіске жетті – 3:6, 6:1, 10:1.
Orange Bowl жыл сайын Плантейшенде өтеді. Жарыс жасөспірімдер арасында ресми емес әлем чемпионаты болып есептеледі. Матчтар жасыл топырақ төсенішінде ашық корттарда ойналады.