Рыбакина Дубайдағы турнирде топжарды
23.12.2024, 08:07
"Сұңқарлар" (Falcons) командасы Дубайдағы (БАӘ) World Tennis League-2024 көрмелік турнирінде жеңімпаз атанды.
championat.com
Оның құрамында қазақстандық теннисші Елена Рыбакина, ресейлік Андрей Рублев, Канада өкілі Денис Шаповалов және франциялық Каролин Гарсия болды.
Рыбакина бұл турнирде жекелей сында төрт кездесу өткізіп, тек біреуінде жеңіске жетті. Елена румыниялық теннисші Симона Халептен 6:4 есебімен басым түсіп, кейін үш рет ұтылды: әлемнің бірінші ракеткасы белоруссиялық Арина Соболенкоға — 6:7, польшалық Ига Швентекке— 3:6 және ресейлік Мирра Андрееваға — 2:6 есебімен жол берді.