Геннадий Головкин 43 жасқа толды: GGG-дің барлық нокдаундары мен нокауттары бір видеода
8 сәуір күні әйгілі боксшы, Қазақстан Ұлттық Олимпиада комитетінің президенті Геннадий Головкин 43 жасқа толды.
GGG туған күнінде — 43 мәрте қарсыласын сұлатқан сәттер еске алынды
Әлеуметтік желі X (бұрынғы Twitter) желісіндегі танымал бокс шолушысы Steve Boxman Головкинді туған күнімен құттықтап, оның кәсіби мансабындағы барлық нокдаундары мен нокауттарын жинақтаған бейнежазбаны бөлісті.
“Геннадий Головкин туған күнімен! Бүгін ол 43 жаста. Міне, GGG қарсыластарын 43 рет рингке сұлатқан сәттер”, — деп жазды ол видеомен қоса.
GGG — Қазақстан боксының тірі аңызы
Геннадий Головкин – 2004 жылғы Олимпиаданың күміс жүлдегері, 2003 жылғы әлем чемпионы (әуесқой бокс). Кәсіби мансабында ол WBC, IBF, WBA және The Ring нұсқалары бойынша орта салмақтағы әлем чемпионы атанған.
GGG өз стилімен, техникасымен және жойқын соққыларымен жаһандық бокста аты аңызға айналған тұлға. Жанкүйерлер үшін оның әр жекпе-жегі – шоу, ал әр нокаут – нағыз өнер.