Шавкат Рахмонов қазақстандық жанкүйерлерді қуантты
Қазақстан ММА құрамасының бас жаттықтырушысы әрі UFC жауынгері Шавкат Рахмоновтың бұрынғы жеке бапкері Баян Жанғалов спортшының Көкшетауға келуіне қатысты пікір білдірді.
Баян Жанғалов өзінің Instagram парақшасында:
"Әр ұлы жол алғашқы қадамнан басталады. Шавкат өз боксшы ретінде қалыптасқан Көкшетауға оралды. DAR TEAM — BZ клубында ол жас спортшылармен кездесті. Өз мысалымен олардың бойында табандылық пен өз-өзіне сенім үлкен жетістіктерге жеткізетінін көрсетті", — деп жазды.
Айта кетейік, Шавкат Рахмонов Баян Жанғаловтың жетекшілігімен 2013 жылы Әлем чемпионы атанса, 2014 жылы WMMAA нұсқасы бойынша әуесқой ММА-да Азия чемпионы болды. Дәл сол жылы болашағынан зор үміт күттірген спортшы Қазақстан Республикасының азаматтығын алған еді.
Қазір Шавкат Рахмонов UFC ұйымындағы жеңіліс көрмеген қазақстандық файтер ретінде әлемдік деңгейде танымал.