Қазақстандық қыз Украина боксшысын ойсырата жеңді (ВИДЕО)
29.04.2025, 22:07
Иордания астанасы Амманда жасөспірім қыздар арасындағы бокстан Азия чемпионатының финалдық кезеңі өтуде.
instagram/@boxingkazakhstan
15 жасқа дейінгі (U15) жас санатындағы спортшылар Азия чемпионатының алтын медальдары үшін шаршы алаңға шықты. 70 келіге дейінгі салмақта шешуші жекпе-жекке қазақстандық Жансая Ержан мен украиналық Диана Кемска жолықты.
Жекпе-жек басынан бастап Жансая Ержанның толық бақылауында өтті. Ол техникалық шеберлігімен және шабуылдағы дәл соққыларымен ерекшеленіп, барлық бес төрешінің қолдауына ие болды. Нәтижесінде кездесу 5:0 есебімен қазақстандық боксшының пайдасына аяқталды.