Олимпиада чемпиондары Астанада белдеседі

2025 жылдың 9–11 мамыр аралығында Астанада дзюдодан «Qazaqstan Barysy Grand Slam» халықаралық турнирі өтеді. Бұл – еліміз үшін өте маңызды дода, себебі биыл турнирге Олимпиада ойындарының төрт чемпионы қатысады!

Турнир ауқымы

Астана төрінде өтетін биылғы жарысқа 50-ге жуық елден 400-ден аса дзюдошы қатысады деп жоспарланған. Турнир – Халықаралық дзюдо федерациясының (IJF) ресми рейтингтік жарыстарының бірі.

Олимпиада чемпиондары кімдер?

• Рафаэла Силва (Бразилия, 63 кг) — Рио-2016 чемпионы
• Беатрис Соуза (Бразилия, +78 кг) — Париж-2024 алтын иегері
• Барбара Матич (Хорватия, 70 кг) — Париж-2024 чемпионы
• Таканори Нагасэ (Жапония, 81 кг) — Токио және Париж Олимпиадасының чемпионы

Айта кетейік, Рафаэла Силва былтыр дәл осы турнирге қатысып, жүлдесіз қайтқан. Ал Нагасэ Қазақстанға 2015 жылы Астанада өткен әлем чемпионатында келіп, алтын алған болатын.

Қазақстан құрамасы да сақадай сай

Еліміздің ерлер және әйелдер құрамасы бұл жолғы жарысқа ең мықты құраммен қатыспақ.