Қазақстандық боксшы Азия біріншілігінің үздігі деп танылды
Бұдан бөлек, Қазақстан құрамасы 15 және 17 жасқа дейінгі жасөспірімдер көрсеткіші бойынша да жалпы есепте бірінші орын алды.
Иордания астанасы Амманда өткен 2025 жылғы бокстан (U15, U17) Азия чемпионатында қазақстандық спортшы Досжан Жұмахан турнирдің ең үздік боксшысы атанды. Бұл — Қазақстан боксы үшін ерекше жетістік.
Азия чемпионатының үздігі
Чемпионат ұйымдастырушылары Досжан Жұмаханды (54 келіге дейінгі салмақ дәрежесінде) турнирдің ең үздік боксшысы деп таныды. Қазақстандық жас спортшы финалда өзбекстандық қарсыласы Бобомурод Боймирзаевты айқын басымдықпен жеңді.
Чемпионаттың тарихи мәртебесі
Атап өтсек, бұл Азия чемпионаты — World Boxing ұйымының ресми қолдауымен алғаш рет өткен тарихи турнир. Жаңа формат пен ұйымдастырушылық деңгей Азия құрлығындағы бокстың дамуына жаңа серпін бермек.
Қазақстандық боксшылардың жетістігі
Қазақстан құрамасы 15 және 17 жасқа дейінгі жасөспірімдер көрсеткіші бойынша (ұлдар-қыздар құрамын қоса алғанда) жалпы есепте бірінші орын алды.
Жас өрендеріміз жалпы саны 16 алтын, 15 күміс, 13 қола медаль жеңіп алды. Осылайша Азияның алды болды.
- Қазақстан — 16 (алтын)
- Өзбекстан — 15 (алтын)
- Үндістан — 15 (алтын)
- Украина — 4 (алтын)
- Түркіменстан — 1 (алтын)
- Бахрейн — 1 (алтын)