Grand Slam Dushanbe 2025: Абибаның алғашқы қарсыласы белгілі болды

Қазақстанның әйелдер құрамасының көшбасшысы Абиба Әбужақынова ертең Душанбеде басталатын «Grand Slam» сериясындағы халықаралық дзюдо турнирінде татамиге шығады. 

Абибаның алғашқы қарсыласы кім?

2–4 мамыр аралығында Душанбеде өтетін «Grand Slam Dushanbe 2024» турнирінде Абиба 48 келіге дейінгі салмақ дәрежесінде сынға түседі. Алғашқы қарсыласы — тәжікстандық Райхонай Розикзода, оның халықаралық ареналарда әлі айтарлықтай жетістігі жоқ.

Абибаның соңғы жеңісі – Австриядағы Гран-при

Абибаның соңғы қатысқан жарысы — 2024 жылдың 7–9 наурызында Линц қаласында (Австрия) өткен әлемдік Гран-при кезеңі болды. Бұл турнирде ол алтын медаль иеленді.

Абиба Әбужақынованың жетістіктері

Өзбекстан атынан:

• Азия Кубогының жеңімпазы (жастар) — 2015

Қазақстан атынан:

• Азия чемпионатының (жастар) финалисі — 2016
• Жасөспірімдер арасындағы әлем чемпионатының финалисі — 2017
• Азия чемпионатының екі дүркін финалисі — 2021, 2022
• «Grand Slam» кезеңдерінің 7 мәрте қола жүлдегері — 2022, 2023, 2024
• Әлем чемпионатының екі дүркін қола жүлдегері — 2022, 2024
• Әлемдік Гран-при жеңімпазы — 2023, 2025
• XIX Азия ойындарының финалисі — 2023
• Олимпиада қатысушысы — 2024

Атақтары:

• Қазақстанның еңбек сіңірген спорт шебері
• Халықаралық дәрежедегі спорт шебері

Әлемдік рейтингтегі орны: 6-орын (4622 ұпай)

Душанбе қаласында өтетін Grand Slam 2025 халықаралық турнирінде Абиба Әбужақыновадан бөлек, Қазақстан құрамасының бірнеше дзюдошысы ел намысын қорғайды. Әр салмақ дәрежесінде татами шеберлері түрлі елдердің мықты спортшыларымен белдеседі.

Ерлер құрамасы және олардың алғашқы қарсыластары:

60 кг

• Алдияр Қарғұлов – қарсыласы: Анваржон Иброхимов (Өзбекстан)

66 кг

• Нұрмұхамбет Ботабай – қарсыласы: Дэнг Су (Қытай)

73 кг

• Ансарбек Ғайнуллин – қарсыласы: Жанлонг Гоу (Қытай)
• Ықылас Әлсейіт – қарсыласы: Мейліс Шамурадов (Түрікменстан)

81 кг

• Досхан Жолжақсынов – қарсыласы: Илхам Сойынжов (Түрікменстан)

100 кг

• Ермұхан Естай – қарсыласы: Кароматулло Хакимов (Тәжікстан)
• Мұхамедәлі Мәулітов – қарсыласы: Баймурат Маджанов (Түрікменстан)