Қазақстан Өзбекстанды шаң қаптырып, тарихи Азия чемпионатын ұтып алды
Иордания астанасы Амманда жасөспірімдер арасындағы бокстан Азия чемпионаты мәресіне жетті. Бұл турнир алғаш рет World Boxing ұйымының қамқорлығымен ұйымдастырылды және құрлықтық ауқымдағы алғашқы ресми жарыс мәртебесіне ие болды.
Байрақты додаға 18 елден келген 15 және 17 жасқа дейінгі спортшылар қатысты. Қазақстандық боксшылар доданың басты фавориті екенін дәлелдеп, медальдар саны бойынша жалпыкомандалық есепте топ жарды.
Қазақстан құрамасы 44 медаль еншіледі:
- 16 алтын
- 15 күміс
- 13 қола
Бұл – ел тарихындағы жасөспірімдер арасындағы ең ірі жетістіктердің бірі.
Өзбекстан екінші орынды қанағат тұтты: 15 алтын, 15 күміс, 12 қола – барлығы 42 медаль.
Үздік үштікті Үндістан түйіндеді: 15 алтын, 6 күміс, 22 қола – барлығы 43 медаль.
Бұл Азия чемпионаты — Қазақстан бокс мектебінің жүйелі жұмысы мен талантты жастардың жемісі. Болашағы зор боксшыларымыздың жарқын жеңісі – ел спорты үшін тарихи кезеңнің басталғанын білдіреді.