UFC-дің жаңа жұлдызы күтпеген нокаутқа түсті (ВИДЕО)
АҚШ-тың Айова штатындағы Де-Мойн қаласында UFC on ESPN 67 турнирі өтті. Аралас жекпе-жектен бұл кештің екінші басты оқиғасы — голландиялық файтер Ренье де Риддер мен америкалық Бо Никал арасындағы орта салмақтағы кездесу болды.
Айқас екі раундқа ғана созылды. Ренье де Риддер техникалық нокаутпен жеңіске жетті.
Бұл жекпе-жек 29 жастағы америкалық Бо Никал үшін ерекше ауыр соққы болды. Ол мансабындағы алғашқы жеңілісіне ұшырады. Бұған дейін жеті рет жеңіске жетіп, оның төртеуін UFC-де тіркеген еді. Жас файтерді көптеген сарапшы UFC болашағының жұлдызы ретінде атап жүрген болатын.
Ал голландиялық Ренье де Риддер өзінің кәсіби мансабындағы 20-шы жеңісіне жетті. Қазір оның жеңісті сериясы төрт кездесуден тұрады. Ол UFC орта салмағында өзінің мықты екенін тағы да дәлелдеді.