UFC-дегі басты айқастың тағдырын нокаут шешті (ВИДЕО)
АҚШ-тың Айова штатындағы Де-Мойн қаласында UFC on ESPN 67 турнирі өтті. Бұл кештің басты оқиғасы ретінде жартылай жеңіл салмақтағы Кори Сэндхаген мен UFC-дің бұрынғы ең жеңіл салмақтағы чемпионы Дейвисон Фигейреду арасындағы жекпе-жек болды.
Қарсыластар арасындағы жекпе-жек екінші раундта аяқталды. Раундтың соңына санаулы секундтар қалғанда Фигейреду жерде жатқан күйінде аяғынан жарақат алып, қорғана алмады. Осы сәтті тиімді пайдаланған Сэндхаген қарсыласының басына бірнеше ауыр соққы жасап, төреші жекпе-жекті тоқтатуға мәжбүр болды.
Бұл жеңіс Кори Сэндхагеннің кәсіби мансабындағы 18-ші жеңісі болды (5 жеңіліс). Ал Дейвисон Фигейредудің еншісінде – 24 жеңіс, 5 жеңіліс және 1 тең нәтиже бар.
Еске спла кетсек, кештің қосалқы басты жекпе-жегінде америкалық файтер Бо Никал мансабындағы алғашқы жеңілісіне тап болды. Ол Ренье де Риддермен кездесіп, техникалық нокаутпен жеңіліп қалды. Бұл нәтиже Никал үшін күтпеген соққы болды, ал Ридердің тәжірибесі тағы да өз жемісін берді.