Қазақстандық спортшыларға Азиада медалі үшін неше сыйақы төленеді?
Жапонияның Айти префектурасы мен Нагоя қаласында өткен Азия ойындарында жүлде алған қазақстандық спортшыларға ақшалай сыйақы беріледі.
Алтын, күміс және қола үшін төлем мөлшері
Қазақстан Республикасы Туризм және спорт министрлігінің бұйрығына сәйкес Азия ойындарының жүлдегерлеріне мынадай сыйақы белгіленген:
- Алтын медаль үшін — 10 мың АҚШ доллары;
- Күміс медаль үшін — 5 мың АҚШ доллары;
- Қола медаль үшін — 3 мың АҚШ доллары.
Сыйақы аталған сомалардың теңгедегі баламасымен төленеді.
Қазақстан құрамасы 84 медаль жеңіп алды
Қазақстандық спортшылар Азиада-2026 қорытындысында 12 алтын, 24 күміс және 48 қола медаль иеленді. Жалпы 84 жүлде жинаған ұлттық құрама қорытынды медальдық есепте сегізінші орынға тұрақтады.
Жазғы Азия ойындары бүгін, 4 қазанда, ресми түрде аяқталады. Жабылу салтанаты Астана уақытымен 14:00-де басталады.
Бұл туралы не ойлайсыз?