Төрехан Сабырхан неге Қазақстан құрамасының тізімінен тыс қалды?

Әлем кубогы Төрехансыз өтеді

30 маусым мен 7 шілде аралығында Астанада өтетін World Boxing Кубогы аясында Қазақстан құрамасының жұлдызды құрамы жарияланды. Бірақ 67 келі салмақта өнер көрсететін Төрехан Сабырхан бұл тізімнен табылмады.

Мәселенің бір ұшы — дәл осы салмақ дәрежесінің аталмыш турнир бағдарламасында болмауында. Ал 65 келі салмақта ел намысын Ертуған Зейнуллинов қорғаса, 70 келіде Абылайхан Жүсіповтің шығуы жоспарланған.

Сабырхан — Азиядағы рекордсмен

Төрехан Сабырхан — жасөспірімдер мен жастар арасындағы Азия чемпионаттарының тарихында төрт мәрте алтын алған алғашқы боксшы. Бұл — теңдессіз жетістік.

2025 жылдың сәуір айында ол кәсіпқой бокстағы алғашқы жекпе-жегін өткізіп, жаңа кезеңге қадам басқан еді.