Қазақ каратэші Азия чемпионатында "алтынды" Өзбекстаннан жұлып алды (ВИДЕО)

Қазақстан мен Өзбекстанның финалдағы текетіресі

Азия чемпионаты Ташкентте өтіп жатыр. Аталған додада Қазақстан намысын қорғаған Жоламан Биғабыл каратэнің кумитэ бағдарламасында 55 келіге дейінгі салмақ дәрежесінде өнер көрсетіп, финалда жергілікті спортшы Собитхон Косимовты тізе бүктірді.

Осылайша Биғабыл ел үмітін ақтап, Қазақстанға алғашқы алтын медаль әкелді. Бұл жеңіс спортсүйер қауымның ерекше қолдауына ие болып, әлеуметтік желілерде кеңінен талқылануда.

Құрама үшін маңызды бастама

Бұл – Қазақстан ұлттық құрамасының аталған жарыстағы алғашқы алтын жүлдесі. Дегенмен жарыс жалғасып жатыр. Алда әлі үш спортшы жеке сында бақ сынап, кейін әйелдер құрамасы финалға жолдама алады.