Жеңілмеген қазақ боксшы әлем құрамасына шақырту алды (ВИДЕО)
Жеңілістің ащы дәмін татпаған кәсіпқой боксшы Рахат Сейітжан әлем құрамасының сапына енді. Бұл құрама 21 маусымда Санкт-Петербургте Ресей құрамасына қарсы матчтық кездесуге қатысады. Жекпе-жек Петербург халықаралық экономикалық форумының (ПМЭФ) аясында өтеді.
Форум аясындағы бокс кеші: бес салмақ, бес мықты
Матч кәсіби бокс форматында өтеді. Боксшылар бес түрлі салмақ дәрежесінде (57, 60, 67, 71 және 92+ кг) күш сынасады. Әр жекпе-жек 3 минуттан 4 раундқа созылады.
Қазақстандық боксшы Рахат Сейітжан бұл додада ресейлік Александр Зыряновпен жұдырықтасады. Айта кетейік, Сейітжанның кәсіпқой бокстағы рекорды – 10 жеңіс және бірде-бір жеңіліс жоқ, ал Зыряновтың көрсеткіші – 2 жеңіс, жеңіліссіз. Бұл тартысты кездесу жартылай орта салмақта өтеді.
Әлем құрамасының сапында кімдер бар?
Қазақстандық Сейітжаннан бөлек әлем құрамасына төмендегі боксшылар шақырту алған:
- Уильям Флорес (Венесуэла)
- Артур Базеян (Армения)
- Эмилиано Пучета (Аргентина)
- Джексон Мюррей (Австралия)
Олар да өз салмақтарында қарсыластарына лайық қарсылық көрсетпек.