Драмалық жеңіс: Двалишвили О’Мэллиді тұншықтырып тастады (ВИДЕО)
UFC 316 турнирінің басты жекпе-жегінде Мераб Двалишвили Шон О’Мэллиді үшінші раундта тұншықтыру әдісімен жеңіп, чемпиондық белбеуін қорғап қалды.
АҚШ-тың Ньюарк қаласында (Нью-Джерси штаты) UFC 316 турнирінің басты жекпе-жегі өтті. Октагонда грузиялық файтер Мераб Двалишвили (20-4) мен америкалық жұлдыз Шон О’Мэлли (18-3) жолықты. Екеуінің мақсаты — UFC-дің жеңіл салмақтағы чемпиондық титулы болатын.
Жекпе-жек қалай аяқталды?
Жекпе-жек бес раундқа жоспарланғанымен бар болғаны үш раундқа созылды. Үшінші раундта Двалишвили қарсыласын тұншықтыру әдісімен жеңіп, 20-шы кәсіби жеңісіне жетті. Бұл О’Мэллидің осымен үшінші рет жеңіліске ұшырауы.
Бұрынғы тарих: бұл екеуі бұрын кездескен бе?
Мераб пен Шон октагонда бұған дейін де жолыққан. 2024 жылдың қыркүйегінде Двалишвили О’Мэллиді төрешілердің бірауыздан шыққан шешімімен жеңіп, чемпиондық белбеуді алғаш рет иеленген. Ал бұл жолғы реванш сол шешімнің заңды жалғасы іспетті болды. Әрі Мераб бұл жолы ешқандай күмән тудырмай, айқын жеңіске жетті.