Қазақстан ба, Өзбекстан ба? Eindhoven Box Cup турнирінде кім озды? (ВИДЕО)
10.06.2025, 09:48
Нидерландының Эйндховен қаласында бокстан беделді Eindhoven Box Cup халықаралық турнирі мәресіне жетті. Бәсеке қорытындысы бойынша Қазақстан мен Өзбекстан құрамалары арасындағы текетірес жанкүйерлер назарын ерекше аудартты.
el.kz
Қазақстанның толық үстемдігі
Қазақстан құрамасы турнирде айқын басымдық танытып, бес алтын медаль жеңіп алды. Чемпион атанған боксшылар:
- Даниял Сәбит (50 кг)
- Абылайхан Жүсіпов (70 кг)
- Ерасыл Жақпеков (80 кг)
- Дәулет Төлемісов (85 кг)
- Нұрлан Сапарбай (90+ кг)
Жалпы Қазақстан сапында бұл жарысқа он боксшы тіркелген болатын. Турнир барысында ұлттық құраманың жігіттері өздерінің жоғары деңгейін көрсетіп, финалда бірінен соң бірі жеңіске жетті.
Өзбекстан — екі алтын
Өзбекстан құрамасы бұл жарысқа үш боксшымен ғана келгеніне қарамастан екі алтын медаль олжалады. Чемпиондар қатарында:
- Абдумалик Халоков (60 кг)
- Турабек Хабибуллаев (90 кг)
Саны жағынан аз болғанымен өзбек боксшылары сапа жағынан өздерін дәлелдеп, жоғары нәтиже көрсетті.