Бүгін қазақстандық бес боксшы әлем кубогында рингке көтеріледі

Астана уақытымен сағат 19:00-де басталатын кешкі сессияда елдің мықтылары ширек және жартылай финалдық жекпе-жектер өткізеді. Кештің басты оқиғаларының бірі — Қазақстан мен Өзбекстан арасындағы бәсеке. Барлық кездесулер Qazsport телеарнасынан тікелей эфирде көрсетіледі.

Қазақстан атынан кімдер шаршы алаңға шығады?

• Алуа Балқыбекова – Юна Нисинака (Жапония)

Салмақ дәрежесі: 51 кг

Кезең: Әйелдер арасындағы ширек финал

Ринг: B, 2-жекпе-жек

Қазақстандық қыздардың көшбасшыларының бірі Балқыбекова жекпе-жегін жапондық қарсыласына қарсы өткізеді. Алуа — тәжірибесі мол, шапшаң әрі тактикалық тұрғыдан мықты боксшы.

• Аида Әбікеева – Су Кюн Кан (Оңтүстік Корея)

Салмақ дәрежесі: 65 кг

Кезең: Әйелдер арасындағы ширек финал

Ринг: A, 4-жекпе-жек

Аидаға оңтүстіккореялық қарсылас төтеп бермек. Бұл жекпе-жекте отандасымыз шабуыл қарқынымен және дәл соққыларымен ерекшеленуі тиіс.

• Елдана Тәліпова – Олтиной Сотимбоева (Өзбекстан)

Салмақ дәрежесі: 80+ кг

Кезең: Әйелдер арасындағы жартылай финал

Ринг: A, 5-жекпе-жек

Бұл — кештің басты текетірестерінің бірі. Қазақстан мен Өзбекстан спортшылары арасындағы бұл жекпе-жек финал жолдамасы үшін өтеді. Елдана сенімді және шабытты өнер көрсетіп жүрген боксшы.

• Ертуған Зейноллинов – Юго Гро (Франция)

Салмақ дәрежесі: 65 кг

Кезең: Ерлер арасындағы ширек финал

Ринг: A, 6-жекпе-жек

Француз қарсыласымен өтетін бұл кездесу де тартысқа толы болмақ. Ертуған рингте шапшаңдығымен және тактикалық шеберлігімен танымал.

• Сағындық Тоғамбай – Эмрах Ясар (Түркия)

Салмақ дәрежесі: 90 кг

Кезең: Ерлер арасындағы жартылай финал

Ринг: A, 8-жекпе-жек

Сағындық Тоғамбай биылғы маусымда жақсы нәтиже көрсетіп келе жатқан боксшы. Оның финалға жолдама алу мүмкіндігі зор, алайда түрік қарсыласы оңай шағылар жаңғақ емес.