Сабыржан Ақхалыков Астанадағы финалда болгариялықты тас-талқан етіп, алтын медаль жеңіп алды (ВИДЕО)

Кубеев Алихан

Редактор Penalty.kz

06.07.2025, 22:02

Әлем чемпионы Сабыржан Ақхалыков World Boxing кубогының финалында қарсыласын толық басымдықпен жеңді.

Instagram/@boxingkazakhstan

Соққының астына алды

75 келіге дейінгі салмақтағы финалда отандасымыз Болгария елінің намысын қорғаған Рами Киванмен қолғап түйістірді.

Кездесу еш күмән тудырмайтын жеңіспен аяқталды. Барлық бес төреші де 5:0 есебін беріп, жеңісті бірауыздан Ақхалыковқа тапсырды.

Осылайша Сабыржан өз жерінде өткен халықаралық додада алтын медаль еншілеп, жанкүйерлерін қуантты. Ал Рами Киван турнирді "күміспен" аяқтады.

Ал 25 жастағы Рами Киван – ересектер арасындағы Еуропа чемпионы.