Алуа Балқыбекова Назым Қызайбаймен шешуші жекпе-жекке келісім берді
Бокстан лем чемпионы Алуа Балқыбекова Назым Қызайбайға қарсы спаррингке шығуға дайын екенін мәлімдеді. Бұл кездесудің басты мақсаты – Олимпиада-2028 ойындарына жолдама алу.
Алуа Олимпиада жолдамасы үшін шешуші айқасқа дайын
Бұл туралы ол YouTube-тағы "Sport+" арнасына берген сұхбатында айтты.
— Бір салмақ дәрежесіне талас болса, Назым Қызайбаймен қайтадан спарринг өткізуге дайынсыз ба?
— Иә. Екеуіміздің де мақсатымыз бір, жасымыз да келіп қалды. Ол да берілмейді, мен де берілмеймін", — деді Алуа Балқыбекова.
— Сіздің бапкеріңіз кезек енді сізде дейді
— "Негізінде солай. Бірақ бапкеріміз әрқайсымыздың арманы бар екенін түсінеді, оған кедергі болмайды. Барлығын спарринг шешеді – өткен Олимпиададағыдай", — деп түсіндірді чемпион.
Салмақ дәрежесіндегі өзгерістер
Олимпиадалық бокстың World Boxing ұйымына өтуімен салмақ категорияларына өзгерістер енгізілді. Енді Назым Қызайбай (48 кг) мен Алуа Балқыбекова (51 кг) 50 кг салмақ дәрежесінде Лос-Анджелес Олимпиадасына қатысу үшін бақ сынамақ.
Жетістіктер мен мәртебе
Назым Қызайбай – Париждегі Олимпиада-2024 ойындарының қола жүлдегері, үш дүркін әлем чемпионы.
Алуа Балқыбекова – әлем чемпионы, екі мәрте Азия чемпионы.