Куат Хамитов Асу Алмабаевтың жеңісіне таңданыс білдірді
Қазақстандық аралас жекпе-жек шебері Куат Хамитов UFC on ABC 9 турнирінде перулық Хосе Очоаны жеңген Асу Алмабаевтың (22-3) жекпе-жегіне қатысты пікір білдірді.
"Күреске көп көңіл бөлгені таң қалдырды"
"Асу Алмабаевтың жекпе-жекте күреске көбірек ден қойғаны мен үшін тосын жағдай болды. Себебі оны негізінен соққы техникасына бейім және джиу-джитсудан шыққан спортшы ретінде танимын. Көріп тұрғанымдай, қарсыласы тұрыста мықты болғандықтан Асу күресті бірінші орынға қойған. Жалпы алғанда тамаша өнер көрсетіп, толық үстемдікке ие болды", — деді Хамитов.
Jackson Wink MМА-дағы тәжірибеден өтуге кеңес
"Мен Асуға Jackson Wink MMA залына барып, UFC аңызы Джон Джонстың бапкері Майк Винкелджонмен бірге соққы техникасын жетілдіруге кеңес берер едім. Бұл оның нағыз әмбебап, мінсіз спортшыға айналуына сеп болар еді", — деп толықтырды ол.
Асу Алмабаевтың UFC-дегі көрсеткіші
Бұл жекпе-жекте төрешілер бірауыздан шешім қабылдап, Асу Алмабаевтың жеңісін тіркеді. Осылайша ол UFC жеңіл салмағындағы ең жарқын қазақстандық спортшылардың бірі екенін тағы да дәлелдеді. Бұл жеңіс оның лигадағы алты жекпе-жектің бесеуінде жеңіске жеткенін көрсетеді.