Виктория Графеева Ливерпульде өтіп жатқан бокстан 2025 жылғы әлем чемпионатындағы алғашқы жекпе-жегін сәтті өткізді.
Графеева 60 келі салмақ дәрежесінде Косово елінің өкілі Доньета Садикуге қарсы шығып, қазылардың бөлек шешімімен жеңіске жетті.
Бұл нәтижемен Графеева жарыстың 1/8 финалына жолдама алды, ал қарсыласы турнирді ерте аяқтады.
Күндізгі сессияда 70 келіде сынға түскен Төрехан Сабырхан да қарсыласынан айласын асырды. Ол алжирлік Юсеф Ислам Яишпен өткен жекпе-жекте жеңіске жетті.
Ал кешкі сессияда рингке тағы екі қазақстандық шығады:
Бейбарыс Жексен (60 кг),
Надежда Рябец (75 кг).