Қазақстандық кәсіпқой боксшы Бек Нұрмағанбет АҚШ-та өткен турнирде қарсыласын нокаутпен жеңді.
25 жастағы қазақстандық боксшы Лас-Вегаста (Невада штаты) өткен бокс кешінің басты жекпе-жегіне шықты. Ол екінші орта салмақтағы (76,2 кг дейін) америкалық Стивен Самптермен қолғап түйістірді.
Кездесу он раундқа жоспарланғанымен айқас мерзімінен бұрын аяқталды.
Екінші раундта Нұрмағанбет қарсыласын нокдаунға жіберді. Үшінші раундтан кейін Самптердің бұрышы жекпе-жекті жалғастырудан бас тартты. Осылайша техникалық нокаут тіркелді.
Кәсіпқой рингте: 15 жеңіс
Соның ішінде: 13-і мерзімінен бұрын
Ал Самптер үшін бұл алғашқы нокауттық жеңіліс болды. 31 жастағы америкалық боксшының еншісінде 11 жеңіс (9-ы – нокаутпен), 2 жеңіліс және 1 тең нәтиже бар.
Айта кетейік, 14 қыркүйек күні (Астана уақытымен түнде) Сауль «Канело» Альварес өзі шаршы алаңға шығады. Ол екінші орта салмақтағы абсолютті әлем чемпионы атағын америкалық Теренс Кроуфордқа қарсы қорғайды.