Геннадий Головкин Төрехан Сабырхан финалға шыққанда қуанышын жасыра алмады
Геннадий Головкин Ливерпульде әлем чемпионатының жартылай финалында жеңіске жеткен Төрехан Сабырханды құттықтады.
Головкиннің әсерлі құттықтауы
World Boxing ұйымының Олимпиадалық комиссиясының төрағасы әрі қазақ боксының аңызы саналатын Геннадий Головкин жас спортшымен кездесуде эмоциясын жасыра алмады. Желіде жарияланған бейнежазбада ол Сабырханды құшақтап, жеңісіне қуанышын білдіреді.
Сонымен қатар Головкин жеке бапкер Ілияс Оралбековті және ұлттық құрама бас бапкері Қайрат Сәтжановты да құттықтады. Кейін кадрларда оның финалға шыққан Төреханға ұзақ әрі шабытты кеңес берген сәтін байқауға болады.
Жартылай финалдағы тартыс
75 келіге дейінгі салмақта өткен жартылай финалда Төрехан Сабырхан ағылшын боксшысы Одел Камараны төрешілердің бөлек шешімімен жеңіп шықты.
Айта кетейік, Төрехан – әуесқой бокстағы жастар мен жасөспірімдер арасында Азияның төрт дүркін чемпионы атанған алғашқы спортшы.