Алтын арман болды: Қазақ балуандары әлем чемпионатын сәтсіз аяқтады

Хорватия астанасында өткен 2025 жылғы әлем чемпионаты Қазақстан құрамасы үшін сәтсіз аяқталды. Үміт артқан еркін күрес балуандары жарқын нәтиже көрсете алмады.

Құрама қоржынында 2 медаль бар. Екеуі де қола. Соның бірін 61 келі салмақ дәрежесінде белдесетін Асылжан Есенгелді иеленсе, тағы біреуін 70 келідегі Нұрқожа Қайпанов алды. 

Қалған нәтижелер тізімі:

• 57 кг – Әділет Әлмұхамедов – бірінші белдесуде жеңілді.
• 65 кг – Начын Куулар – 1/8 финалда тоқтады.
• 74 кг – Әлібек Әбдіқасымов – алғашқы белдесуде ұтылды.
• 79 кг – Болат Сақаев – бірінші кезеңнен ары аса алмады.
• 86 кг – Азамат Дәулетбеков – ширек финалда сүрінді.
• 92 кг – Камиль Куруглиев – қола медаль үшін күресте жеңілді.
• 97 кг – Ризабек Айтмұхан – алғашқы белдесуде жолдан шықты.
• 125 кг – Әлішер Ерғали – бірінші айналымда жеңілді.

Осылайша, он салмақ бойынша сынға түскен спортшыларымыздың тек екеуі ғана жүлде тұғырынан көрінді.

Айта кетейік

Бұл көрсеткіш – соңғы жылдардағы ең әлсіз нәтижелердің бірі. Ризабек Айтмұқанның өзі алғашқы белдесуінде-ақ жарыс жолынан шығып қалған еді.