Айдос Сұлтанғали финалда өзбек балуанын күйрете жеңді

Финалдағы күтпеген жеңіс

Сұлтанғали 60 келіге дейінгі салмақ дәрежесінде Өзбекстан балуаны Әлішер Ғаниевті 9:0 есебімен ұтып, алтын медаль иегері атанды.

Жекпе-жекке дейін сарапшылар Ғаниевті фаворит санаған еді. Өзбекстандық спортшы UWW халықаралық рейтингінде 10-орында, ал жарыста №6 нөмірмен өнер көрсетті. Ал Сұлтанғали бұл салмақта рейтингке енбеген болатын. Соған қарамастан қарсыласын таза жеңіспен ұтып, басты сенсация жасады.

Жолдағы қарсыластар

Айдос Сұлтанғали финалға дейін бірнеше мықтыны тоқтатты:

• Максвелл Хоппер Блэк (АҚШ)
• Мелкам Фетене (Израиль)
• Се Ун Ри (Солтүстік Корея)
• Амиран Шавадзе (Грузия)

Осылайша ол Загребте өткен әлем чемпионатында төрт бірдей халықаралық балуанды қапы қалдырып, алтын жүлдеге қол жеткізді. 

Тарихқа көз жүгіртсек

Айдос Сұлтанғали 26 жылдан кейін грек-рим күресінен әлем чемпионы атанды. 

Грек-рим күресінен Қазақстан спортшылары неше рет алтын алды?

1999 жыл. Мхитар Манукян (63 келі)

1998 жыл. Мхитар Манукян (63 келі)

1998 жыл. Бақтияр Байсейітов (76 келі)

1997 жыл. Юрий Мельниченко (58 келі)

1994 жыл. Юрий Мельниченко (57 келі)