Өзбекстандық бокс аңызы Ресейде өткен жекпе-жекте тосын нәтиже көрсетті

6 қазан, дүйсенбі күні Өзбекстанның екі дүркін Олимпиада чемпионы Баходир Жалолов Ресейдің Санкт-Петербург қаласында өткен IBA.PRO 10 турнирінде жұдырықтасып, күтпеген нәтижемен жекпе-жекті аяқтады.

Жалолов ресейлік Виталий Кудуховпен (7-3, 3 КО) ауыр салмақта сегіз раундтық кездесуде қолғап түйістірді.

Көпшіліктің күтпегеніндей, айқас толық сегіз раундқа созылды. Нәтижесінде, Баходир Жалолов төрешілердің бірауыздан шығарған шешімімен ауыр жеңіске жетті.

Осылайша, өзбек боксшысы кәсіби мансабындағы 16-шы жеңісін тіркеді.

Жалолов жайлы

Баходир Жалолов — Өзбекстанның әйгілі боксшысы, суперауыр салмақ дәрежесінде өнер көрсетеді.

• Екі дүркін Олимпиада чемпионы (2020, 2024)
• Әлем чемпионы (2019, 2023)
• Азия ойындарының жеңімпазы
• Кәсіпқой бокста: 16 жеңіс (көпшілігі нокаутпен), жеңіліссіз.