Семейде өтіп жатқан Қазақстан чемпионатының алғашқы күнінде жас боксшы, 2024 жылғы жастар арасындағы әлем чемпионы Диас Берікбай өзінің алғашқы жекпе-жегін өткізді.
Берікбай 50 келіге дейінгі салмақ дәрежесінде Дарын Құлжабаевқа қарсы шығып, ешқандай күмән қалдырмаған жеңіске жетті. Жекпе-жек барысында Диас қарсыласына мүмкіндік бермей, техникалық және тактикалық тұрғыдан басым түсті. Қазылар алқасы бірауыздан шешім шығарып, 5:0 есебімен Берікбайды жеңімпаз деп таныды.
Бұл жеңіс – жас чемпионның соңғы айлардағы сәтсіздіктен кейінгі маңызды қайта оралуы болды.
Айта кетсек, Диас Берікбай тамыз айында өткен жастар арасындағы Азия чемпионатында өзбек боксшысы Самандар Олимовтан төрешілер шешімімен жеңіліп қалған еді.
Ол кезде Берікбай өзіне ауырлау — 55 келі салмақ дәрежесінде өнер көрсетсе, Олимов керісінше 57 келіден төмен түскен.