"Кішкентай ақымақ": Пимблетт Ислам Махачевке үндеу жасады
Ағылшын файтері Делла Маддаленаның жеңісіне сенетінін айтты.
UFC ұйымындағы жеңіл салмақтың танымал жекпе-жек шебері, британдық Пэдди Пимблетт (23-3), ресейлік чемпион Ислам Махачевке (27-1) қатысты желіде шулы мәлімдеме жасады.
30 жастағы файтер 16 қараша күні Нью-Йоркте өтетін UFC 322 турнирінде өтетін жекпе-жек алдында аустралиялық Джек Делла Маддаленаға (18-2) қолдау білдіріп отыр.
«Мен Джектің жеңісін тілеймін. Делла Маддалена - Махачевке қарағанда әлдеқайда мықты файтер. Егер ол жекпе-жек барысында тік тұра алса, Исламды жайпап өтетініне сенімдімін. Шын жүректен соны қалаймын», - деп жазды Пимблетт.
Алайда британиялық спортшы мұнымен тоқтамай Ислам Махачевтің бұған дейін өз атына айтқан сөздеріне де жауап берген.
«Ислам жақында “Пэдди кімді жеңді өзі? Ол титулдық жекпе-жекті Бобби Гринді жеңген соң алды. Ал мен оны сенен де тез жеңдім” деп. Ей, кішкентай ақымақ, соған не дейсің? Жеңіл салмаққа қайта орал! Мен сенің басыңды да мыжып тастаймын!» – деп жазды спортшы.
Нью-Йоркте 16 қараша күні жартылай орта салмақта ресейлік Ислам Махачев аустралиялық Джек Делла Маддаленамен арадағы жекпе-жекте UFC чемпионы атағын сарапқа салады.