Америкалық жартылай орта салмақта екінші орында тұрған Шон Брэди (18-1) октагонда бұл дивизионның сегізінші нөмірі, эквадорлық файтер Майкл Моралеспен (18-0) кездесті.
Топ жекпе-жек Нью-Йорктегі (АҚШ) Madison Square Garden аренасында өткен UFC 322 турнирінің негізгі кардасында өтті және үш раундқа жоспарланған еді. Алайда айқас толық дистанцияға созылмай, бірінші раундтағы нокауттан кейін Моралестің пайдасына аяқталды. Осылайша, Майкл ММА-дегі 19-жеңісіне қол жеткізсе, Брэди карьерасындағы екінші жеңілісті қабылдады. Жекпе-жек видеосы төменде ұсынылған.
Еске сала кетейік, осы дивизионда Қазақстан өкілі Шавкат Рахмонов та өнер көрсетеді. Ол рейтингте үшінші орында тұр.
UFC 322 турнирінің басты жекпе-жегінде жартылай орта салмақтағы UFC чемпионы атағы үшін австралиялық Джек Делла Маддалена (18-2) мен ресейлік Ислам Махачев (27-1) кездеседі.