Нью-Йорк аренасында өткен UFC 322 турнирінің қосымша басты жекпе-жегінде қырғызстандық Валентина Шевченко (25-4-1) мен Қытайдың мықтысы Чжан Вэйли (26-3) октагонға шықты.
UFC-дің ең жеңіл дивизионында чемпиондық белбеуін қорғаған Валентина Шевченко қарсыласын толықтай басымдықпен жеңіп, титулын кезекті мәрте сақтап қалды.
Бес раундқа есептелген айқас соңғы гонгқа дейін созылды. Алайда әділқазылардың шешімі бір ауыздан шықты – 50–45, 50–45, 50–45.
Бұл жеңіс Шевченконың кәсіби мансабындағы 26-ыншы триумфы болса, Чжан Вэйли үшін төртінші жеңіліс ретінде тіркелді.
Турнирдің басты жекпе-жегінде австралиялық нокаутер Джек Делла Маддалена (18-2) мен ресейлік жұлдыз Ислам Махачев (27-1) UFC-дің жартылай орта салмақтағы чемпиондық белбеуін сарапқа салады. Жанкүйерлер бұл кездесуді турнирдің басты интригасы ретінде күтіп отыр.