UFC турнирінде мерзімінен бұрын жеңіске жеткен Асу Алмабаев пен оның секунданты, жартылай орта салмақтағы UFC рейтингінің 4-номері Шавкат Рахмонов жекпе-жектен кейінгі әсерлерін бөлісті.
UFC Eurasia ресми инстаграм парақшасында Асу Алмабаев пен Шавкат Рахмоновтың жекпе-жек аяқталған сәттен кейінгі шынайы эмоциялары түсірілген видео жарияланды. Роликте екі файтер де қуанышын жасырмай, жанкүйерлерге жолдаған алғашқы пікірлерін бөліседі.
Асу Алмабаев:
«Әлхамдулиллаһ, жеңдік. Эмоция көп, жекпе-жекті қайта қарап шығу керек», – деді.
Шавкат Рахмонов:
«Асу жеңіске жеткеніне өте қуаныштымын. Барлығы тек жеңіс күтті — ол соны орындады», – деп атап өтті.
Еске салайық, Катар тарихындағы алғашқы UFC турнирінде Асу Алмабаев америкалық Алекс Пересті үшінші раундта ауадан жасалған гильотина әдісімен мерзімінен бұрын жеңген.
Бұл әдіс MMA жанкүйерлерінің арасында үлкен резонанс тудырып, Асу Алмабаевтың шеберлігіне деген қызығушылықты арттырды.