ANB Arena (Эр-Рияд, Сауд Арабиясы) алаңындағы басты бокс кешінде WBC нұсқасы бойынша жартылай ауыр салмақтағы (79,4 кг дейін) әлем чемпионы, америкалық Дэвид Бенавидес (31-0, 25 KO) көп мәрте титулға таласқан британдық Энтони Ярдты (27-4, 24 KO) мерзімінен бұрын ұтты.
Көпшілік күткендей, Энтони Ярд қорғаныстан жұмыс істеп, артқа шегініп жүрді. Сол қолмен қарсы шабуыл ұйымдастыруға, кейде алдын орауға тырысты. Оның негізгі жоспары — Бенавидестің джебтерін кросспен қарсы алу еді.
Бірақ америкалық чемпион айқасты толық бақылауда ұстап, қысымды жоғары қарқынмен күшейтті. Бенавидес кей сәтте асығыстық танытқанымен тоннажы мен агрессиясы арқылы жекпе-жек ырғағын бірден өз пайдасына бұрды.
4-раундтың соңында даулы эпизод болды. Чемпион қарсыласын қолымен ұстап тұрып, сол қолымен соққылар жасады. Рефери жекпе-жекті тоқтатуға тәуекел етпеді.
Ярд тек 6-раундта белсенділігін арттыра бастады. Бірақ дәл осы кезде ол артық тәуекелге барып, Бенавидеспен соққы алмасуға кірісіп кетті. Нәтижесінде британдық бұрынғы раундтардың бәрінен көп соққы қабылдады. Тіпті нокдаунге түсті.
7-раундта Бенавидес Ярдты бұрышқа қысып, ауыр соққылар сериясын іске қосты. Осы сәтте америкалық спортшы қарсыласы құлағаннан кейін де шабуылды жалғастырып, рефери оған екі бірдей ескерту және минус екі ұпай берді.
Ескерту алғанымен бұл Бенавидестің басымдығына әсер еткен жоқ. Жекпе-жек қайта жалғасқанда Ярд қорғанысқа толық көшіп, қарсыласудан қалды.
7-раундтың ортасында Дэвид Бенавидес дәл тиген сол жақ хукті қабылдады. Британдық боксшы соққыны көтере алмай, рефери жекпе-жекті дереу тоқтатты.
Дэвид Бенавидес – техникалық нокаут (7-раунд). Чемпион өз белбеуін сенімді түрде қорғады.