Реклама
Реклама
10 000 тг

Лицензия №23019645 от 06.09.2023

300 000 тг

Лицензия №24358082 от 25.07.2024

Реклама
Реклама

Тәжірибе жинауға емес, белбеуге келді: Өзбек жұлдызының дебюті жанкүйерлерді дүрліктірді

Сарапшы, спорт журналисі
28.11.2025, 20:00

Өзбекстан бокс мектебінің кезекті жұлдызы саналатын Джавохир Умматалиев кәсіпқой рингтегі алғашқы жекпе-жегін сенімді жеңіспен бастады. 20 жастағы боксшы Челябіде (Ресей) өткен бокс кешінде жеңіліп көрмеген әзербайжандық Рахим Алиевті ұтып, профи мансабына мықты қадам жасады.

yuz.uz
Реклама
Реклама

Жеңіліп көрмеген қарсылас, міз бақпаған дебют

Жартылай ауыр салмақта жоспарланған алты раундтық кездесуде Умматалиевтің қарсыласы рингке 3–0, 3 КО рекордымен келген 31 жастағы Рахим Алиев болды. Бұған дейін қарсыластарын нокаутпен тоқтатып жүрген әзербайжандық бұл жолы басқа сценарийге тап болды.

Алғашқы секундтардан-ақ өзбек боксшысы қашықтықты бақылап, темпті өзі ұстап тұрды. Раундтан раундқа дейін джебпен қарсыласын тежеп, комбинациямен қысым көрсетіп отырды. Қорғаныста да қателік жібермеуге тырысты.

Алты раундтың қорытындысы бойынша барлық төреші бір ауыздан Джавохир Умматалиевті жеңімпаз деп таныды.

Әуесқой рингтің жұлдызы – енді кәсіпқойда

Джавохир Умматалиев жай ғана дебютант емес. Ол әуесқой бокста:

  • 2025 жылғы әлем чемпионы,
  • 2024 жылғы Азия чемпионы,
  • 2022 жылғы жастар арасындағы әлем чемпионы.

Яғни ол профи рингке жай ғана тәжірибе жинау үшін емес, нақты мақсаттармен – белбеулерге жол салу үшін қадам басты деуге болады.

Реклама
Реклама

Серіктес жаңалықтары