UFC ұйымының жартылай орта салмақтағы ТОП-10 файтері Хоакин Бакли АҚШ-та өткен RAF Wrestling промоушен турнирінде ауыр жеңіліске ұшырады. Бұған дейін америкалық жігіт Шавкат Рахмоновты нокаутқа түсіріп, атаққа таласуға дайын екенін ашық айтып жүрген еді.
Күрес кеші Чикаго қаласында ұйымдастырылды. RAF Wrestling шоуына түрлі жұлдыз спортшылар шақырылып, бағдарламаға еркін күрес элементтері де енгізілді.
Осы кеште жартылай орта салмақта UFC рейтингінің 10-орнында тұрған Хоакин Бакли американдық балуан Пэт Дауниге қарсы кілемге шықты.
Кездесу еркін күрес ережесі бойынша өтті. Бакли октагонда соққыларымен танылғанымен таза күрес сегментінде мүлде қарсы тұра алмады.
Жекпе-жек барысында Дауни тізгіннен айырылмай, техникалық және тактикалық тұрғыда толық үстем болды. Нәтижесінде кездесу 12:0 есебімен аяқталып, Баклиге ауыр және ірі есепті жеңіліс жазылды.
Жуырда ғана Хоакин Бакли Қазақстаннан шыққан жеңілмеген «Номад» Шавкат Рахмоновпен UFC октагонында жекпе-жек өткізгісі келетінін мәлімдеген еді.
Америкалық файтердің сөзінен негізгі ой мынадай болған:
Қазір Шавкат Рахмонов UFC жартылай орта салмағының рейтингінде 3-орынды иемденіп тұр. Қазақ жанкүйерлері оны титулдық айқасқа ең негізгі үміткерлердің бірі деп санайды.