Жекпе-жек 3 желтоқсан күні өтеді.
Қазақстандық боксшы, IBO, WBF және WIBF нұсқалары бойынша әлем чемпионы Ангелина Лукас Дубайға барды. Ол 3 желтоқсанда өтетін әлем чемпионы атағы үшін таласады. Жуырда бұл жекпе-жекке дайын екенін мәлімдеді.
Ангелина Лукас әлеуметтік желіде видео жариялап, өз жанкүйерлерімен қуанышты жаңалығын бөлісті.
«Қалайсыңдар, достар! Барлығыңа сәлем! Мен Араб Әмірліктерін бағындыруға келдім. 3 желтоқсан, Agenda Arena — WBF версиясы бойынша әлем чемпионы атағы үшін айқас. 3 желтоқсанда кездесейік! Алға, Қазақстан!» — деді ол бейнежолдауында.
Қазірше Ангелина Лукасқа қарсы кім шығатыны ресми түрде хабарланған жоқ. Бірақ ұйымдастырушылар бұл жекпе-жектің әйелдер боксы тарихындағы ең көрермен жинайтын шоулардың бірі болатынын айтады.