Дубайда IBA тұжырымы бойынша бокстан 2025 жылғы әлем чемпионаты жалғасып жатыр. Осы додада 60 келіге дейінгі салмақта өнер көрсететін Серік Теміржанов 1/8 финалда әсерлі нокаутпен жеңіске жетті.
1/8 финалда Теміржановтың қарсыласы Замбия боксшысы Эндрю Чилата болды. Кездесу басынан-ақ қазақстандық былғары қолғап шебері рингте сенімді қимылдап, қарсыласын қыспаққа алды.
Екінші раундта шешуші сәт туды. Серік дәл бауырдан ауыр соққы дарытып, Чилатаны нокаутқа жіберді. Африкалық боксшы жекпе-жекті жалғастыра алмады, ал төреші айқасты мерзімінен бұрын тоқтатты. Осылайша Теміржанов ерте жеңіске жетіп, келесі айналымға жолдама алды.
27 жастағы Серік Теміржанов – қазақстандық бокстың танымал есімдердің бірі. Ол: