Қазақстан құрамасының боксшысы Абылайхан Жүсіпов Дубайда (БАӘ) өтіп жатқан IBA әлем чемпионатында 71 келіге дейінгі салмақта чемпион атанды.
Карьерасында әлем чемпионаттарында үш мәрте жүлде алған Жүсіпов финалда Ресей боксшысы Сергей Колденковпен қолғап түйістірді.
1-раунд: Абылайхан қарсыласын алыс қашықтықта ұстап, джебтермен өте сәтті жұмыс істеді. Нәтижесінде алғашқы үш минутты 4:1 есебімен өз пайдасына жазды.
2-раунд: Қазақстандық боксшы тағы да басымдық танытып, төрешілерден сол бағаларды (4:1) алды.
3-раунд: Соңғы раундта Колденков белсендірек қимылдап, қарқын қосуға тырысты. Алайда Жүсіпов тактиканы сақтап, айқасты бақылаудан шығармады. Кездесуді төрешілердің бөлінген шешімімен (split decision) жеңіске жеткізді.
Осылайша, Абылайхан Жүсіпов алғаш рет әлем чемпионы атанып отыр.
Еске салайық, Абылайхан Жүсіпов бұған дейін әлем біріншіліктерінде үш мәрте қола медаль иеленген:
Айта кетейік, БАӘ-дегі әлем чемпионаты IBA ұйымының қолдауымен өтуде. Алайда Халықаралық Олимпиада комитеті (ХОК) бұл ұйымды ресми түрде мойындамайды.